• Slider especiales

    Enbalaje bereziak

Enbalaje bereziak | Embalajes Echeberria

Enbalaje bereziak dira beren ezaugarriengatik kontu handiz edo premia bereziekin garraiatu behar diren produktuen garraioa bermatzeko diseinatutakoak.

Embalajes especiales

Zein motatakoak dira eta zertarako erabiltzen dira

Enbalaje teknikoak

Enbalaje teknikoak

Enbalaje teknikoak dira espezifikazio jakinak dituzten edo bereziki apurkorrak diren produktuak garraiatzeko eta manipulatzeko diseinatutakoak. Horien artean egon daitezke material sanitarioko eta medikoko produktuak, salbamendurako ekipamenduak, telekomunikazioetako enbalaje bereziak, ikus-entzunezko ekipamenduak, etab.

Enbalaje hauek neurrira egiten dira, gure instalazioetan. Ase behar izaten dituzten premia bereziak direla eta, barnealdea aparrez edo plastiko bigunez egiten da batzuetan. Horiek piezei egokitzen zaizkie, eta enbalajearen barruan mugitzea eragozten diete.

Salgai arriskutsuetarako enbalajea

Salgai arriskutsuetarako enbalajea

Enbalaje hauek bereziki diseinatuta daude segurtasuna bermatzeko oso material arriskutsuak garraiatzean, hala nola gas toxikoak, korrosiboak eta likido sukoiak.

Ezinbestekoa da enbalaje homologatuak izatea eta behar bezala etiketatzea, araudiei jarraituz.

Kartoizko enbalaje bereziak

Kartoizko enbalaje bereziak

Kartoizko enbalaje bereziak enbalatu beharreko piezaren neurrira eginda daude, hau da, egin beharreko bidalketaren beharrizanen araberako espezifikazioak betez.

Enbalaje hauen gune kritikoak sendotu egiten dira, babes berezia izan dezaten, eta haiei esker piezaren segurtasuna berma daiteke, enbalatu beharreko produktuak garraiatzean eta zamalanak egitean.

Kartoizko enbalaje bereziak eskari handiko irtenbidea dira –kartoia arina eta kostu txikikoa baita–, eta ezin hobeak dira zenbait material garraiatzeko eta manipulatzeko, hala nola automobilgintzako piezak eta abar.

Neurrira egindako zurezko enbalaje bereziak

Neurrira egindako zurezko enbalaje bereziak

Neurrira egindako zurezko enbalajeak formatu bereziko piezetarako erabiltzen dira.

Nazioarteko merkataritzan erabiltzekoak izanez gero, denek dute NIMF 15 tratamendu fitosanitarioa, neurri fitosanitarioen nazioarteko araudi berriari jarraituz. Hortaz, zigilu bat dute kutxek, tratamendu hori egin dela egiaztatzeko.

Zurezko enbalaje bereziak neurrira eginda daude, Gasteizen dugun fabrikan, eta segurtasuna ematen diote zamari, garraiatzen eta manipulatzen den bitartean.

Plastikozko enbalaje bereziak

Plastikozko enbalaje bereziak

Gure plastikozko edukiontziek aukera ematen dute beren barnealdea moldatu eta material-mota ugari bata bestearekin gordetzeko. Edukiontzi birziklagarri hauek garraiatu beharreko materiala kontuan hartuta egiten dira.

Plastikozko industria-enbalajeak tolesgarriak dira, eta haien barnealdea egokitu egin daiteke, zure produktuaren beharrizanen arabera (apar indargetzaileak, gelaxka-kutxa malguak, plastikozko kokagailuak...)

Honako aukera hauek daude plastikozko enbalaje berezien barnealdea egokitzeko: 

  • Euste-gelaxka malguak
  • Euste-gelaxka zurrunak
  • Apardun barnealdeak
  • Barnealde eroaleak

Neurrira egindako konponbideak enbalaje berezietarako

Logo Embalajes Echeberria

  • Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko.

© Embalajes Echeberria SL